Ilia Mundu
Elida Almeida
Pa ka pergunta-m m’é di ki ilia
Di ki rubera, di ki kutelu mi é
Pa ka pergunta-m di ki kratera
Di ki planaltu, di ki duna mi é
Ka pergunta-m kal é nha ilia
I nha rubera, di ki baía
Pa ka pergunta-m dundi ki n ben, pa undi n anda
Pa ka pergunta-m
Si n kanta Brava i m’é di Maiu
Ô Sanvisenti, ô Santanton
Si mi é di Santiagu ki n kanta Bubista
Saninklau ô Djadi Sal, ô Djarfogu
Pa ka pergunta-m dundi ki n ben, pa undi n anda
Pa ka pergunta-m
Si n obi fadu, si n kanta morna
Si n badja senba, si n dansa sanba
Si n gosta di rabolu, di Kodé di Dona
Manel di Nova ô Anu Nobu
Pa ka pergunta-m
Pa ka pergunta-m nomi di Nha Santu
Ô nomi di nha kretxeu
Pa ka pergunta-m
Nha ilia é mundu, nha tera é mar
Sê verdi é azul
Nha inu é morna, nha bandera é pas
Nha bandera é pas, nha bandera é pás
I nomi di nha Santu é Nhordés
Nomi di nha kretxeu é Cabo Verde!
I nomi di nha Santu é Nhordés
Nomi di nha kretxeu é Cabo Verde!
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Elida Almeida e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: